logo
Harmonie Gemeente het ‘n volwaardige kinder-erediens met lofprysing, aanbidding en baie pret! By Hartklop Kids leer ons kinders om altyd naby aan God se Hartklop te bly. Die lessies en aktiwiteite word op die kinders se vlak aangebied sodat hulle op ‘n diep en betekenisvolle manier met God ‘n ontmoeting en verhouding kan hê. Ons glo dat elke kind dit by Hartklop sal geniet en definitief baie sal leer!
Ons hoop julle het ‘n wonderlike vakansie gehad! Ons is opgewonde om al die maats terug te verwelkom by Hartklop Kids en kan nie wag om julle almal weer te sien nie!
Hierdie kwartaal gaan ons voort met ons reis deur die Bybel en ons eerste les vat ons op ‘n avontuur deur die Boek van Eksodus – maar dit is net die begin! Gedurende hierdie kwartaal sal ons dieper in die verhaal van Moses en die Israeliete duik – van die wonderlike gebeure by die Rooi See tot die indrukwekkende ontmoetings op die Berg Sinai, elke stap van die pad, sal ons getuies wees van God se liefde, leiding en beskerming vir Sy mense.
Elke les is so beplan en uiteengesit om propvol interaktiewe aktiwiteite te wees, insiggewende besprekings en kreatiewe projekte, alles ontwerp om die leerervaring prettig en betekenisvol te maak. Saam sal ons groei in ons geloof, kennis en liefde vir God!
Ons sien uit na julle terugkeer hierdie komende Sondag om ons nuwe kwartaal met entoesiasme en vreugde af te skop!
Vriendelike Groete,
Marichen

Kontak ons

Bring jou kids op Sondae 9:15 na Hoerskool Bellville se Gimsaal en sien hoe hul harte en lewens verander!
Of raak deel van ons hartklopspan wat help om kinderharte in Jesus naam groot te maak!

hartklop@harmoniegemeente.co.za